E no go tay now, naija election go soon show face and na so all d political parties don dey ready dey do meeting for d next person wey dem go run for presidor come 2019.
PDP don advise one of dia memba wey be Ekiti state gofnor Ayo Fayose say,make he no dey waste him time,waste him money and waste him salaiva dey talk say he wan be Naija president.
Na PDP poblic seketri,Dayo Adeyeye naim yarn dis one on Wednesday.
He say even Fayose dey di meeting wey dem for agree say,na Hausa,Fulani or pesin from di north naim dem agree to choose president for 2019.
Tori wey fly enta our newsroom be say,Oga Fayose go finalli let Di whole world know him plan to bikom Naija president on Thursday.
Akordin to PDP,di only position wey open to politishans from south na,PDP Chairman so diafor,if Fayose won be chairman of PDP,wahala no dey but if na to be president naim dey hungry am,he dey disiv imsef.